15 December 2008

செருப்படி வாங்கி விடை பெறும் புஷ்


ஈராக் சென்ற அமெரிக்க அதிபர் ஜார்ஜ் புஷ் மீது செருப்பு வீசி தாக்குதல் நடத்தப்பட்டது. இதனால் அங்கு பெரும் பரபரப்பு ஏற்பட்டது. அமெரிக்க அதிபர் ஜார்ஜ் புஷ்ஷின் பதவிக்காலம் அடுத்த மாதத்துடன் நிறைவு பெறுகிறது. இதையடுத்து பதவியிலிருந்து விடைபெறும் நோக்கத்துடன் புஷ் நேற்று ஈராக் சென்றார். .
அந்நாட்டு தலைவர்களை சந்தித்துப் பேசிய பின்னர் புஷ் ஈராக் பிரதமர் அல் நூரியுடன் கூட்டாக செய்தியாளர்களை சந்தித்து பேட்டி அளித்தார்.
செய்தியாளர் சந்திப்பு நடைபெற்று கொண்டிருந்த போது, பத்திரிகையாளர் ஒருவர் ஆவேசத்துடன் புஷ்ஷை கடுமையாக திட்டியவாறே தனது சப்பாத்துக்களை கழற்றி புஷ் மீது வீசினார்.
எதிர்பாராத நேரத்தில் தன்னை நோக்கி சப்பாத்து பறந்து வருவதை கண்டு அதிர்ச்சியடைந்த புஷ் வேகமாக தனது தலையை குனிந்து கொண்டதால் அந்த சப்பாத்துக்கள் அவர் மீது படாமல் சென்றது.

An Iraqi man shows a mobile text message one of several in circulation that reads, 'We congratulate Mr Bush and Maliki a pair of shoes'


இதையடுத்து அங்கு பெரும் பரபரப்பு ஏற்பட்டது. பாதுகாப்பு பணியில் ஈடுபட்டிருந்த அதிகாரிகள் சப்பாத்துக்களை வீசி புஷ்ஷை தாக்கிய பத்திரிகையாளரை சுற்றிவளைத்து பிடித்தனர். அவர் எகிப்து தொலைக்காட்சி ஒன்றின் ஈராக் நிருபராக பணியாற்றி வருகிறார்.
இந்த தாக்குதல் பற்றி கருத்து தெரிவித்த அதிபர் புஷ், தன் மீது வீசப்பட்ட சப்பாத்துக்களின் சைஸ் 10 என்பது மட்டுமே தமக்கு தெரியும் என்றார். (பலமுறை சப்பாத்து எறிவாங்கியிருக்கிறார் போலும்... சப்பாத்துடைய அளவுகளை எல்லாம் ஞாபகம் வைச்சிருக்கிறாரே)
சப்பாத்து எறிந்த விடயமறிந்த பலரும் தமது சந்தோஷங்களை எஸ்.எம்.எஸ் மூலம் தமது மகிழ்ச்சியை கொண்டாடியுள்ளனர் என ஏ.எப்.பி படங்களுடன் செய்திகளை வெளியிட்டிருக்கிறது.
ஈராக்கில் தங்களுக்கு பிடிக்காதவர்களை மக்கள் செருப்பால் அடித்து அவமதிப்பது வழக்கம்.


ஈராக் அதிபர் பதவியிலிருந்து சதாம் உசேன் நீக்கப்பட்ட பின்னர், அவரது சிலை அகற்றப்பட்டவுடன் ஏராளமான ஈராக் மக்கள் சதாமின் சிலையை தங்கள் செருப்புகளால் அடித்து தங்கள் ஆத்திரத்தை வெளிப்படுத்தியது குறிப்பிடத்தக்கது.
சப்பாத்து அடி மூலம் தனது பதவிக்காலத்தை முடித்துக் கொண்டு விடைபெறுகிறார் புஷ்.

11 December 2008

யாழ்ப்பாணத்து சிம் கார்ட்களும் இளைஞர்களும்...

யாழ்ப்பாணத்தில் கையடக்க தொலைபேசி சேவைகளை டயலொக், மொபிட்டல் ஆகிய இரு நிறுவனங்கள் மட்டுமே தமது சேவைகளை யாழ்.குடாநாட்டிற்கு வழங்கிவருகின்றது. குடாநாடு முழுவதும் சுமார் 50,000 கையடக்க தொலைபேசி பாவனையில் இருப்பதாக அண்மையில் இணையத்தளம் ஒன்றில் அறிந்து கொண்டேன்.


இந்நிலையில்

Continue....
எனது மடிக்கணனியானது வைரஸ் காரணமாக கொஞ்சம் பிரச்சினை தருகிறது. அதை சீர்செய்திட்டு மிகுதி தொடரும் ஆக்கங்களை பூர்த்தி செய்ய முயற்சி செய்கின்றேன். தொடர்ந்திருங்கள்.

07 December 2008

கூகுள் அட்சென்ஸ்...

நாம் ஏற்கெனவே இணையத்தளமோ அல்லது புளொக்கோ வைத்திருந்தால் அதன் மூலம்.
உங்களிடம் சொந்தமாக இணையத்தளம் அல்லது ஒரு வலைப்பதிவாவது இருக்கின்றதா? இருந்தால் நீங்கள் அட்சென்ஸ் பாவிக்கலாம். இது கூகுளின் ஒரு சேவையே.
கூகுள் நிறுவனமானது வர்த்தக நிறுவனங்களிடமிருந்து விளம்பரங்களை வாங்கி உங்கள் தளத்தில் விளம்படுத்துவதன் மூலம் பணம் சம்பாதிக்க எளிய வழிதான் இந்த ' கூகுள் அட்சென்ஸ்'


'கூகிள்' மிகவும் நம்பிக்கையான நிறுவனம். மற்ற நிறுவனங்களைப் போல் ஏமாற்றுவதில்லை. பணத்தை தவறாமல் அனுப்பி வைத்துவிடுகிறார்கள். இது பற்றி மேலும் விபரமறிய http://www.google.co.in/intl/en/ads என்பதை சுட்டுங்கள். பொறுமையாக படியுங்கள் அனைத்துவிபரமும் இருக்கிறது.
அட்சென்ஸ் தளத்திற்குச் சென்று பதிவு செய்யுங்கள். நீங்கள் பதிவு செய்யும் போது உங்கள் பெயர், மற்றும் காசோலை அனுப்புவதற்கான வேண்டிய முகவரி மற்றும் உங்களின் இணையதள முகவரி போன்ற பல விடயங்களை கேட்பார்கள். நீங்கள் தெளிவாக கொடுக்க வேண்டும். பின் இரண்டு நாட்களுக்குள் உங்கள் கணக்கு செயல்படுத்தப்பட்டதற்கான மெயில் அனுப்புவார்கள்.
உங்கள் கணக்கு அக்ரிவ் செய்யப்பட்ட பின் கூகுள் அட்சென்ஸ் தளத்திற்குச் சென்று அவர்களின் விளம்பரங்களை வெளிப்படுத்த தேவையான புரோகிராம் கோடிங்கை தருவார்கள். நாம் அதை அப்படியே காப்பி செய்து நம் இணையதளத்தில் இடையில் போட்டால் போதும். நம் வெப் தளத்திலோ புளொக் தளத்திலோ அவர்களின் விளம்பரம் அருமையாக காட்சிதரும்.
தமிழ் தளம் வைத்துக்கொண்டு கூகுள் அட்சென்சுக்கு விண்ணப்பிக்கின்றீர்களா? அப்படியானால் அனுமதியை மறுத்து விடுவார்கள். சொறி உங்களுடைய தளத்தில் ஆங்கில வார்த்தைகளின் செறிவு குறைவாக உள்ளது என்று கூறி மழுப்பி விடுவார்கள். கூகுளிற்குமா தமிழன் மேல் பொறாமை???? சீ.சீ.
அட்சென்ஸ் பாவிக்கும் தமிழ் தளங்கள் முதலில் ஒரு ஆங்கிலத் தளத்தைக் காட்டி கணக்கை ஆரம்பித்துவிட்டுப் பின்னர் கோடிங்கை பெற்று தமிழ் தளங்களில் பாவிப்பது வழக்கம். கூகுள் அட்சென்ஸ் புதிய தளங்களில் அதுதான் தமிழ் தளங்களில் கோட்டைப் போடும் போது தானே புதிய தளங்களை இனம்கண்டு சேர்க்கும். உதாரணமாக உங்களிடம் 3 தமிழ் புளொக் (எந்த மொழியானாலும் பிரச்சினையில்லை) மற்றும் 2 இணையத்தள முகவரி இருக்குமானால் 5 தடவை அட்சென்ஸ்க்காக விண்ணப்பிக்க தேவையில்லை. ஒரு தடவை விண்ணப்பித்து அனுமதி கிடைத்தவுடன் அந்த கோடிங்கையே உங்களுடைய 5 தளங்களிலும் பயன்படுத்திக் கொள்ளலாம்.
உங்கள் தளத்திற்கு வரும் விருந்தினர்கள் வலைப்பூவில் அதாவது உங்களது தளத்தில் காணப்படும் விளம்பரங்களை சொடுக்கும் போது குறிப்பிட்ட தொகைப் பணம் உங்களுடைய கணக்கில் வரவு வைக்கப்படும். 100 டொலர் வந்தவுடன் காசோலையை கணக்கு திறக்கும் போது நீங்கள் குறிப்பிட்டுள்ள முகவரிக்கு தபாலில் அனுப்புவார்கள். அதற்கு முன்னர் 90டொலர் வந்தவுடன் உங்களுடைய முகவரிக்கு ஒரு போஸ்ட் கார்ட் நீங்கள் தான் உரிமையாளரா? என இனம்கண்டு கொள்ள அனுப்புவார்கள், அதை நீங்கள் திரும்ப கூகுள் நிறுவனத்தின் தலைமைக்காரியாலயத்திற்கு அனுப்ப வேண்டும். இலவச தளமானாலும், வலைப்பூவாக இருந்தாலும் வேலைசெய்யும்.
அட்சென்ஸ் மூலம் தமிழ் வலைப்பதிவுகளில் எதுவும் செய்ய முடியாது. ஆங்கில வலைப்பதிவுகளில் ஹிட் வீதம் கூட கூட அட்சென்ஸ் வருவாயும் பலமடங்காக கூடிக்கொண்டு போகும். அட்சென்ஸ்சை விட நல்ல தளம் ஏதும் இருப்பதாகத் இதுவரை தெரியவில்லை.
கூகுள் அட்சென்ஸ் விளம்பரங்களை உங்கள் தளத்தில் இடுவதானால் உங்கள் தளம் ஆங்கிலம், பிரஞ்சு, ஜப்பான் போன்ற மொழிகளில் இருக்கவேண்டுமாம். இன்னும் தமிழ் மற்றம் இந்திய மொழிகளுக்கான ஆதரவு வழங்கப்படவில்லை.
நான் சுமார் 7,8 தடவை வெவ்வேறு மின்னஞ்சல் முகவரி மற்றும் வலைப்பூக்களை உருவாக்கி செய்து அட்சென்ஸ்க்கு விண்ணப்பித்து பார்த்தேன் முயற்சி பலனளிக்கவில்லை. ஏமாற்றம்தான் மிஞ்சியது. அவர்கள் அப்படிச் செய்ய முடியாது என்று மறுத்து விட்டனர். என்தளம் தமிழில் இருப்பதால் கூகுள் நிறுவனத்தினர் மறுத்து விட்டனர்.
சற்றும் மனந்தளராமல் அந்த முயற்சியை அதாவது கூகுளின் அட்சென்ஸ்ஸை கைவிட்டு Adbrite, BidAdviser நிறுவனங்களை நாடினேன். இவர்களும் கூகுள் அட்சென்ஸ் சொன்ன பதிலையே சொன்னார்கள். எனினும் கணக்கை திறந்து விளம்பரங்களை எமது வலைப்பதிவில் இட அனுமதியளிக்கின்றனர். பணம் தான் தரமாட்டார்கள் இது என்ன கொடுமை சரணவணா.
தமிழ் தளங்களில் அட்சென்ஸ் பாவிப்பதை காட்டிலும் ஆங்கில தளங்களில் பாவிப்பதால் டொலர்களை கண்களில் காட்டுகிறார்கள் கூகுள்.

இன்று அனேகமான தளங்களில் கூகிள் அட்சென்ஸ் பாவிப்பது உங்களுக்குத் தெரிந்திருக்கலாம். பெரிய தளங்கள் முதல் சின்ன சின்ன வலைப்பதிவுகள் வரை இந்த சேவையைப் பயன்படுத்துகின்றன.
இந்த பணம் கறக்கும் பசுவில் இருந்து எவ்வாறு மேலதிகமாகப் பால் கறக்கலாம் என்பது பற்றிய ஒரு சிறிய குறிப்பு.
நான் கூகிள் அட்சென்சை தமிழ், ஆங்கில வலைப்பதிவுகளில் பாவித்து வருகின்றேன். ஆனால் தமிழ் வலைப்பதிவில் கூகிள் அட்சென்ஸ் மூலமான வருவாய் மிக மட்டம். ஆங்கில வலைப்பதிவில் சுமாராக வந்துகொண்டிருக்கின்றது.
ஆங்கிலம், தமிழ் ஆகிய இரு வலைப்பதிவுகளும் ஒரு நாளைக்கு கிட்டத்தட்ட 80 பக்கப் பார்வைகளைப் பெறுகின்றன. ஆனால் ஒவொருநாளும் ஆங்கில வலைப்பதிவில் கிடைக்கும் பணத்தின் பெறுமதி தமிழ் வலைப்பதிவில் கிடைக்கும் பணப்பெறுமதியின் 4 மடங்காகும்.
இதற்கான காரணம் என்ன?
கூகிள் அட்சென்ஸ் பக்கத்தின் உள்ளடக்கத்தைப் பார்த்து அதற்கு தொடர்புடைய விளம்பரங்களைக் காட்டும். தமிழ் பக்கங்களைப் பார்த்தால் அதற்கு எதுவும் புரிவதில்லை. தமிழ் மொழி என்று மட்டுமே புரிகின்றது. அதனால் தமிழில் ஏதாவது விளம்பரம் இருந்தால் காட்டும் இல்லாவிட்டால் தொடர்பில்லாமல், சூறாவளி பணம் தாருங்கள் என்று கேட்கும். பக்கத்தைப் பார்ப்பவரும் இதென்ன கோமாளித்தனம் என்று நினைத்து அதை அப்படியே விட்டுவிடுவார்.
ஆங்கில வலைப்பதிவில் அல்லது பக்கங்களில் தொடர்பான விளம்பரங்களைக் காட்டுவதால் தளத்திற்கு வரும் பயனாளர்கள் அந்த விளம்பரங்களைக் சொடுக்கி அங்கே செல்வார்கள். உங்களுங்கும் பையில் பணம் நிரம்பும். உதாரணமாக தீபெத் பற்றி ஒரு இடுகையை நீங்கள் இட்டால் அங்கே தீபெத்திற்கான பயண வழிகாட்டி போன்ற விளம்பரங்கள் கிடைக்கும். தீபெத் பற்றி உங்கள் இடுகையை வாசிப்பவர் மேலதிக விபரம் நோக்கி அந்த விளம்பரங்களைச் சொடுக்குவார்.
கூகிள் அட்சென்ஸ் மூலம் பணம் சம்பாதிக்க விரும்பினால் ஆங்கிலம் அல்லது கணனியியலில் போன்ற மொழிகளில் பயன்படுத்துங்கள். செல்வச் சீமானாகுங்கள். தமிழுக்கு இன்னும் காலம் இருக்கின்றது போலும்.

அப்புறம் என்ன சம்பாதிக்க ஆரம்பியுங்கள்.

04 December 2008

Wi-Max தொழிற்படும் முறை

வை-மெக்ஸ் தொழிற்படும் விதத்தை மிகவும் எளிதாகச் சொல்ல வேண்டுமானால், ஏறக்குறைய Wi-Fi தொழிற்படும் முறைமையைப் போன்றது. இரண்டிக்குமிடையிலான வித்தியாசத்தை நோக்குவோமானால் Wi-Max அதிக வேகத்துடனும் அதிக தூரத்திலும் இணைப்பை ஏற்படுத்திக் கொள்ளும் வசதியினை வழங்குகிறது. மேலும் அதிக எண்ணிக்கையிலான உபயோகிப்பாளர்களை கொண்டிருக்கும் இணைப்பாக வை-மேக்ஸ் உள்ளது. இன்றைய சூழ்நிலையில் கிராமப்புறங்களில் கேபிள் வசதி, தொலைபேசி இணைப்புகளும் இல்லாத இடங்களில் இந்த வை-மெக்ஸ் பெரியளவில் உதவுகிறது.

இந்த வை-மேக்ஸ் உபகரணங்களாவன:

1. Wi-Max டவர்: நாம் சாதாரணமாக பயன்படுத்தும் செல்போன் இணைப்பை ஏற்படுத்த உதவும் கோபுர முறைமைகளை போன்றதாகும். இந்த டவர்களை கட்டிடத்தின் மாடியிலோ அல்லது பொதுவான ஒரு இடத்திலோ அமைத்துக் கொள்ளலாம்.

2. Wi-Max ரிசீவர்: ரிசீவர் முறையில் தகவல்களை பெற்றுக் கொள்ளும் கருவியாக அன்ரனா (Antenna) பயன்படுத்தப்படுகிறது. இந்த வகை அன்ரனாவானது சாதாரண ரீவி அன்ரனா போல் அல்லாது ஒரு சிறிய பெடடியாக அதனுள் PCMCIA என்ற காட் வசதி கொண்டதாக இருக்கிறது. இதன் மூலம் ல்ப்ரொப் அல்லது கணனிக்கு வரும் தகவல்களை பெற்றுக் கொள்ளலாம்.

இதுபோன்று அமைக்கப்பட்டுள்ள Wi-Max டவர்கள் மூலம் இன்டர்நெட் இணைப்பை அகன்ற அலைவரிசை முறையில் வயர்லெஸ் ஆக பெற்றுக் கொள்ளலாம். இந்த வை-மேக்ஸ் டவர்கள் ஒன்றுடன் மற்றொன்று இணைக்கவும் பயன்படுகிறது. ஒரு Wi-Max டவர் ஆனது 3000 சதுர மைல்கள் பரப்பளவிற்கு தகவல்களை அனுப்பவும், பெற்றுக் கொள்ளவும் உதவுகின்றது.

இந்த வை-மேக்ஸ்' வழங்கும் இரண்டு விதமான வயர்லெஸ் சேவைகள்.

1. நேரடி பாதையில்லாத ஒளிபரப்பு : ( NON LINE & RIGHT)
இந்த முறையானது ஒரு Wi-Fi போன்ற சேவையினை வழங்கும் விதத்தில் அமைக்கப்பட்டுள்ளது. இந்த முறையில் ஒரு சிறிய அன்டனா கம்ப்யூட்டரில் இணைக்கப்பட்டு, அதனை Wi-Max டவர் உடன் தொடர்பு கொள்ளச் செய்து தகவல்கள் அனுப்பப்படுகின்றது என்பது குறிப்பிடத்தக்கது. இந்த முறை மூலம் Wi-Max குறைந்த அலைவரிசைகளைப் பயன்படுத்தி (2GHZ முதல் 11GHZ வரை) தகவல் அனுப்பும் வேகத்தை அமைத்துக்கொள்கின்றது. இந்த குறைந்த அலைவரிசை தகவல் அனுப்புதல் மூலம் இயற்கையான தடங்களில் இருந்து காப்பாற்றிக் கொள்ள முடிகின்றது.

2. நேரடிப் பாதையிலான ஒளிபரப்பு: (LINE OF RIGHT)
இந்த முறையின் மூலம் ஒரு நிரந்தரமான டிஷ் அன்ரனா ஒன்றை வீட்டின் அல்லது அலுவலத்தில் உள்ள கூரையின் மேல் அமைத்துக் கொள்ள வேண்டும். இந்த அன்டனா Wi-Max டவரை நோக்கிய வண்ணம் இருக்க வேண்டும். இவ்வாறு அமைப்பதால் தகவல்களை வீட்டின் மாடியில் உள்ள அன்ரனா எளிதான Wi-Max டவரில் இருந்து பெற முடிகின்றது. இது போன்ற Wi-Max இணைப்பானது மிகவும் வலிமையானது மற்றும் நிரந்தரமானது.

இந்த முறையில் தொடர்பு கொள்வதால் அதிக அளவிலான தகவல்களையும் பெரிய அளவிலான தடங்கல்கள் இன்றி எளிதாக அனுப்ப முடியும். மேலும் இதன் மூலம் அதிக வேகமாக அதாவது 66GHZ என்ற அலைவரிசை வேகத்தில் தகவல்களை அனுப்ப முடியும் என்பது குறிப்பிடத்தக்கது.

Wi-Max தொழில்நுட்பத்தின் வளர்ச்சி

தற்போதைய நிலைவரப்படி இன்ரெல் (Intel) நிறுவனம் தயாரித்து வரும் Centrino என்று அழைக்கப்படும் புரசசர்களைக் கொண்டு தயாரிக்கும் லப்ரொப் கம்பியூட்டர்களில் இது போன்ற Wi-Max என்ற தொழில் நுட்பத்தை ஏற்கனவே அமைத்து விற்பனை செய்து வருகின்றனர். இன்னும் இரண்டு அல்லது மூன்று ஆண்டுகளில் இன்ரெல் வழங்கும் அனைத்து லப்ரொப் கம்பியூட்டர்களிலும் இந்த வை-மேக்ஸ் பொருத்தப்பட்டிருக்கும் என்பது குறிப்பிடத்தக்கது. இவ்வாறு தயாரிக்கப்பட்டுள்ள லப்ரொப் கம்பியூட்டர்களை உபயோகிக்கத் தொடங்கினால் Wi-Max base Station எனப்படும் அடிப்படைக்கட்டுப்பாட்டு அறைகளை அமைப்பது சுலபம்.

மேலும் இந்த இன்டல் (Intel) நிறுவனமானது கிளியர்வயர் (ClearWire) என்ற நிறுவனத்துடன் இணைந்து Wi-Max என்ற தொழில் நுட்பத்தை புதிய முறையில் அறிமுகப்படுத்த திட்டமிட்டு செயல்பட்டு வருகின்றது.

இந்த கிளியர்வயர் நிறுவனமானது Wi-Max base Station-ல் இருந்து ஒரு சிறிய வயர்லஸ் மோடம் என்ற பெட்டிக்கு தகவல்களை அனுப்பும் வண்ணம் வடிவமைத்து வருகின்றது. இவ்வாறு செய்வதால்இ நமது கம்ப்ïட்டரில் இந்த சிறிய மோடம் மட்டும் அமைக்கப்பட்டு இருந்தால் நமது கம்ப்ïட்டரில் இருந்து மற்றொரு கம்ப்ïட்டருக்கு Wi-Max தொழில் நுட்பத்தின் மூலம் தகவல்களை அனுப்ப முடியும் என்பது குறிப்பிடத்தக்கது.

இது போன்று ஒரு கம்பியூட்டரில் இருந்து மற்றொரு கம்ப்ïட்டருக்கு தகவல்களை அனுப்பும் போது encryption எனப்படும் முறையைப் பயன்படுத்தி அனுப்பப்படுகின்றது. ஆகையினால் அனுமதியில்லாமல் எந்த ஒரு நபரும் நமது தகவல்களை படிக்கவோ, பார்க்கவோ முடியாது. இந்த encryption என்ற முறையின் மூலம் தகவல்களை ஒரு நிலையிலிருந்து மற்றொரு நிலைக்கு மாற்றி அனுப்புகின்றது. மேலும் Wi-Max தகவல் அனுப்பும் வேலையினை மிகவேகமாகவும் செய்கின்றது என்பது குறிப்பிடத்தக்கது. உதாரணமாக Wi-Fi என்ற முறை மூலம் ஒரு நொடிக்கு 54 மெகாபிட்ஸ் என்ற வேகத்தில் தகவல்களை அனுப்ப முடியும். ஆனால் Wi-Max என்ற முறை மூலம் ஒரு நொடிக்கு 70 மெகாபிட்ஸ் என்ற வேகத்தில் தகவல்களை அனுப்ப முடியும்.
ஆனால் Wi-Max உடைய சிறப்பு அதன் வேகம் (Speed) அல்ல. மாறாக அது செயல்படும் தூரம் (distance) என்பதே சிறந்ததாகக் கருதப்படுகின்றது.

Wi-Max செயல்படும் விதம்

நமது கம்பியூட்டரில் Wi-Max பொருத்தப்பட்டிருக்கும் பட்சத்தில் இன்டர்நெட் இணைப்பு அமைப்பது என்பது மிகவும் சுலபம். உதாரணமாக இன்டர்நெட் இணைப்பு வழங்குபவர்கள் (ISP) Wi-Max base Station என்ற அமைப்பை நிறுவுவர். இந்த base Station நமது வீட்டிலிருந்து அல்லது அலுவலகத்திலிருந்து 10 மைல் தொலைவில் இருப்பதாக வைத்துக் கொள்வோம். இப்பொழுது நமது கம்பியூட்டரில் Wi-Max இருந்தாலோஇ அல்லது நமது பழைய கம்ப்ïட்டரில் Wi-Max நிறுவிக் கொள்ள வேண்டும்.
இப்போது நமது கம்பியூட்டர் Wi-Max base Station இடம் இருந்து encryption Code எனப்படும் தகவலைக் கொடுக்கும். இந்த encryption Code எனப்படும் Key-யை வைத்துதான் Wi-Max base Station நமது கம்பியூட்டருக்கு தகவல்களைக் கொடுக்கின்றது. இது போன்ற முறையில் இன்டர் நெட் உபயோகிப்பதற்கு நாம் மாத வாடகை கொடுத்தால் போதுமானது, இந்த மாத சந்தாவானது சாதாரண Dialup இன்டர் நெட் இணைப்புக்கு கொடுக்கும் தொகையை விட குறைவானதாகும்.

சாதாரணமாக நமது அலுவலகத்தில் உள்ள கம்பியூட்டர்களில் இன்டர்நெட் இணைப்பு அமைப்பதற்கு Wi-Fi முறையிலே ஏற்பாடு செய்து கொள்வது சிறந்தது. ஏனென்றால், நமது அலு வலகங்களில் உள்ள கம்ப்ïட்டர்கள் LAN என்ற Local Areas NetWork முறையில் உள்ளது.

அதற்கு Wi-Fi இணைப்பே போதுமானது. ஆனால், அதைவிட பெரிய அளவில் அல்லது நகரங்களுக்குள் உள்ள கம்பியூட்டர்களில் இணைப்பை ஏற்படுத்த வேண்டுமானால் அதற்கு Wi-Max முக்கியமானது என்பது குறிப்பிடத்தக்கது. மேலும் ஒரு முக்கிய விடயம் என்னவென்றால், இந்த Wi-Fi இணைக்கப்பட்டுள்ள LAN கம்பியூட்டர்களும் Wi-Max மூலம் இணைக்கப்பட்டுள்ள MAn அல்லது Wan கம்பியூட்டர்களும் தொடர்பு கொள்ள ரூட்டர்கள் (Router) போதுமானது.

இதன் மற்றொரு சிறப்பம்சம் என்னவென்றால் இதன் மூலம் லோக்கல் தொலைபேசி STD தொலைபேசி மற்றும் வெளிநாட்டு தொடர்பு கொள்ளும் வசதிகளை Voice over IP (VIOP) எனப்படும் முறை மூலம் உருவாக்கிக் கொள்ளலாம். நமது லப்ரொப் கம்பியூட்டர் மூலம் வயர்லஸ் முறையில் எங்கு வேண்டுமானாலும் பேசிக் கொள்ளலாம் என்பது சிறப்பான வசதியல்லவா!

மனைவியுடன் அன்பாக இருங்கள்....

ஓரவிழிப் பார்வையாலேயே ஆண்களை தங்கள் வலையில் வீழ்த்தி விடுகிற பவர் பெண்களுக்கு உண்டு. (சுப்ரமணியபுரம் படத்தில் வரும் பெண்ணின் பார்வையில் விழாத ஆண்களே இல்லையெனலாம்) ஆனால், ஆண்களால் அவ்வாறு பெண்களை தங்கள் வலையில் எளிதில் வீழ்த்த முடியாது. சிலருக்கு தான் அந்த பாக்கியம் கிடைக்கும். மற்றவர்களுக்கு, பெண்களின் 'கருணைப் பார்வை' இருந்தால் தான் முடியும்.

ஆண்களைப் பொறுத்தவரை அழகான பெண்ணைத் தான் பெரும்பாலும் விரும்புகிறார்கள். ஆனால், பெண்கள் அப்படி அல்ல. பெர்சனாலிட்டியுடன் தகுந்த பாதுகாப்பும் அவசியம் என்பதே பெரும்பாலான பெண்களின் எதிர்பார்ப்பு.

இவை ஒருபுறம் இருக்கட்டும். கணவன் மனைவியாக வாழ்க்கையில் இணைந்த பிறகு, மோகம் முப்பது நாள் ஆசை அறுபது நாள் என்ற வரையறையையும் தாண்டி கணவன்-மனைவியர் மிகவும் அன்யோன்யமாக வாழ்வது என்பது இன்றைய காலக்கட்டத்தில் குறைந்து விட்டது என்றே கூறலாம்.

தம்பதியர் வாழ்க்கையில் sex முக்கிய இடம்பெறுகிறது. இதில், ஒருவரது எதிர்பார்ப்பு பூர்த்தியாகவில்லை என்றால், அதற்கான எதிர்விளைவை அவர்களது முகத்தில் மறுநாள் காலையிலே பார்க்கலாம் என்று சொல்லுகிறார்கள் அது பற்றி எனக்கு அனுபவத்தில தெரியாதுங்கப்பா...... நான் சின்னப் பொடியன்
செக்ஸ் விஷயத்தில் கணவனின் அன்பான அணுகுமுறையைத் தான் ஒரு மனைவி எதிர்பார்க்கிறாள்.

ஒரு ஆண் தனது செக்ஸ் ஆசையை மனைவியிடம் எளிதில் சொல்லிவிடலாம். ஆனால், பெண் அப்படி அல்ல. அவள் வளர்ப்பு முறையே வேறு. அவள் அதனால், மெல்ல மெல்லத் தான் தனது விருப்பத்தை வெளிப்படுத்த முடியும். இதை ஒவ்வொரு கணவனும் புரிந்துகொள்ள வேண்டும்.

'இன்டைக்கு அது வேண்டாம்' என்று மனைவி சொன்னால் கொஞ்சமும் வெறுப்பை அவள் மேல் காண்பிக்கக் கூடாது. சரி... என்று பாசமாகவே சொல்லிவிட்டு, அவள் அப்படிச் சொல்ல என்ன காரணம் என்பதை கேளுங்கள். உடல்நலம் சரியில்லையா? டாக்டரை பார்க்க செல்ல வேண்டுமா? என்றெல்லாம் பாசத்தோடு கேளுங்கள். உங்களது அந்த பாசமான கேள்வியே, அவள் உடல்நிலை சரியில்லாமல் இருந்தாலும் ஓரளவு சரியாக்கிவிடும். அன்புக்கு அவ்வளவு பவர் இருக்கிறது.

உறவின்போதும் மென்மையான அணுகுமுறையையே பின்பற்றுங்கள். அவள் விருப்பத்தை கேளுங்கள். ஓரிரு நிமிடங்களில் உறவை முடித்துவிட்டு சாக்கு மாடு மாதிரி படுத்து தூங்கி விடாதீர்கள். உறவுக்கு பின்னரும் அன்பாக அவளை வருடி விடுங்கள். ஆதரவாக பேசுங்கள். உறவின்போது அவள் மகிழ்ச்சியாக இருந்தாளா என்பதையும் தவறாமல் கேளுங்கள். அவள் மட்டுமல்ல நீங்களும் மகிழ்ச்சியாக இருந்தீர்களா என்று உங்களை நீங்களே கேளுங்கள்.

செக்ஸ் விஷயத்தில் உங்கள் அவசரம் மட்டுமே பிரதானமாக இருந்தால் அவளுக்கு விரக்தி தான் மிஞ்சும். என்ன வாழ்க்கை இது? என்று யோசிப்பவள், எனக்குப்போய் கணவன் இப்படி அமைந்து விட்டாரே? என்று நாளடைவில் எண்ணத் தொடங்கிவிடுவாள்.
ஒருவேளை அப்படி நிகழ்ந்துவிட்டால் வாழ்க்கையே பிரச்சினைகளின் கூடாரமாகிவிடும். நரகத்தின் வேதனை தான் உங்களுக்கு மிஞ்சும்.
இதெல்லாம் தேவை தானா?
செக்ஸ் விஷயத்தில் மட்டுமல்ல, எல்லா விஷயத்திலுமே உங்கள் மனைவியிடம் அன்பை பரிமாறிக் கொள்ளுங்கள்.

* அலுவலகத்தில் இருந்து வருகிறீர்கள் என்று வைத்துக்கொள்வோம். வீட்டில் மனைவியை பார்த்ததும் அவளை பாசத்தோடு கட்டித்தழுவுங்கள் (அருகில் யாரும் இல்லாதநேரத்தில் குறிப்பாக பிள்ளைகள் இருந்தால் அவர்கள் இல்லாத இடத்தில்) சில அன்பான முத்தங்களையும் கொடுங்கள். அவளும் தன் பங்குக்கு உங்கள் மீது பாசத்தை கொட்டுவாள்.

* வெளியில் மனைவியுடன் செல்லும்போது அவளை நெருங்கியபடியே செல்லுங்கள். முடிந்தால், அவளது கரத்தை பற்றிக்கொண்டு முடிந்தால் சிற்சில சில்மிஷங்கள் செய்யுங்கள். இந்த பாதுகாப்பையும், அன்பான அரவணைப்பையும் எல்லா பெண்களுமே கணவனிடம் எதிர்பார்ப்பார்கள் என்று பொதுவாக கூறலாம்.

* வாரத்திற்கு ஒரு நாள் அல்லது மாதத்திற்கு ஒரு நாளாவது சினிமாவுக்கு அழைத்துச் செல்லுங்கள். சிரித்துப் பேசுங்கள். மகிழ்ச்சியை பரிமாறிக் கொள்ளுங்கள்.

* எந்த விஷயத்திலும் ஈகோ பார்க்காதீர்கள். இதைப்போய் நான் அவளிடம் கேட்க வேண்டுமா? என்று மட்டும் எண்ணாதீர்கள். உங்களுக்காகவே வாழ வந்தவளிடம், நீங்கள் எந்த விஷயத்தையும் சொல்லலாமே! மறைக்க வேண்டிய அவசியம் இல்லையே!

* எக்காரணத்தைக் கொண்டும் கோபத்தை அவளிடம் வெளிப்படுத்தாதீர்கள். அப்படியே கோபப்பட்டாலும், உடனே சமாதானமாகி விடுங்கள். அப்போது உங்கள் கோபத்தை நியாயப்படுத்திப் பேசாதீர்கள். ஏதோ தவறாக பேசிவிட்டேன். இனி கண்டிப்பாக பேச மாட்டேன் என்று சமாதானமாகவே பேச வேண்டும். மனைவி தரப்பில் அமைதி ஏற்படுவதை உணர முடியும்.

இப்படியெல்லாம் உங்கள் மனைவியை வைத்திருந்தால் உங்கள் இல்லமே ஒரு சொர்க்கலோகம் தான். வாழ்க்கை முழுக்க சந்தோஷம் தான்.

(வீரகேசரியில் சுட்டது)

28 November 2008

இலங்கையில் டயலொக்கும் அதன் சலுகைகளும்….

இலங்கையில் டயலொக் ரெலிகொம் ஆனது தனது வாடிக்கையாளர்களுக்கு பல சலுகைகளையும் சொற்ப அளவில் கட்டணக்குறைப்புக்களையும் அடிச்சுபிடிச்சு கடந்த சில மாதங்களாக வழங்கி வருகின்றமை பலர் அறிந்ததே. இதற்கு முக்கிய காரணம் என்னவென்று நோக்கினால் இந்தியாவின் மிகப்பெரிய கையடக்க தொலைபேசியான எயர்டெல்லானது இலங்கைக்குள் காலாடி எடுத்துவைப்பதையே பிரதான காரணமாக குறிப்பிடலாம். இதுவரை வழங்கப்படாத பல சலுகைகள் கடந்த மாதத்திலிருந்து டயலொக் அறிமுகப்படுத்தத் தொடங்கியுள்ளது. எது எப்படியோ எயர்டெல்லை பொறுத்த வரையில் டயலொக்குடன் ஒப்பிடும் போது டயலொக்கை உடைக்கமுடியாது. முக்கிய காரணம் என்னவென்றால் எயர்டெல்லின் முதலீடு மற்றும் கோபுரங்களின் எண்ணிக்கை மிகசொற்ப அளவே. எனினும் எயர்டெல்லின் வெளிச் செல்லும் கட்டணங்கள் மிகமிகக்குறைவாக இருப்பதாக எனது நண்பர் ஒருவர் தனது வலைப்பூவில் எழுதியுள்ளார். அதாவது வெளிச்செல்லும் அழைப்புக் கட்டணங்கள் 50 சதத்திற்குள்ளே இருக்கும் என சில இணையத்தளங்கள் எதிர்வு கூறுகின்றன. எயர்டெல்லானது இந்த மாதம் (டிசம்பர்) 15ஆம் திகதி உத்தியோகபூர்வமாக வெளியிடுவதாக தகவல்கள் வெளியாகியுள்ளது. எப்படியானாலும் இந்த வருட இறுதிக்குள் இந்திய கொம்பனியான ரிலையன்ஸின் எயர்டெல் சிம் பெரும்பாலானவர்களின் கைகளில் தவழும் என்பதில் சந்தேகமில்லை.

டயலொக் அறிமுகப்படுத்தியிருக்கும் புதிய சலுகைகள்
* டயலொக் தொலைபேசிகளுக்கிடையிலான கட்டணக்குறைப்பு
இதன்படி கிற் இணைப்பிலிருந்து வெளிச்செல்லும் கட்டணங்கள்.
டயலொக் to டயலொக் 3 ரூபா ஆகவும் டயலொக் அல்லாத இலக்கங்களுக்கு 5 ரூபா ஆகவும் தற்போதைய கட்டணம் உள்ளது.

பிற்கொடுப்பனவு இணைப்பிலிருந்து வெளிச் செல்லும் கட்டணங்களாக
டயலொக் to டயலொக் 1000 நிமிடங்கள் இலவசத்தின் பின்னர் 2 ரூபா ஆகவும்
டயலொக் அல்லாத தொலைபேசிகளுக்கான கட்டணமாக 3 ரூபா ஆகவும் குறைக்கப்பட்டுள்ளது.

My10 இலக்கங்களுக்கான எஸ்.எம்.எஸ் மற்றும் வெளிச் செல்லும் கட்டணமாக வெறும் 50 சதம் மட்டுமே.

* பிற்கொடுப்பனவு இணைப்பில் பாரிய மாற்றம் அதாவது பிளாஸ்டர் பக்கேஸ்
டயலொக் பிற்கொடுப்பனவு இணைப்பிலிருந்து 1000 நிமிடங்கள் அதாவது 16 மணித்தியாலங்கள் டயலொக் to டயலொக் வெளிச் செல்லும் அழைப்புக்கள் முற்றிலும் இலவசம் இதற்கான மாதாந்த கட்டணம் நாக்குமுக்கா வரிகள் உட்பட ரூபா 400 வரும்.

* கிற் இணைப்பிலிருந்து (முற்கொடுப்பனவு) பிற்கொடுப்பனவாகவும் (பக்கேஜ்) ஆகவும்
பக்கேஜை கிற்றாகவும் மாற்றிக் கொள்ளும் வசதியை கடந்த மாத இறுதியில் டயலொக் அறிமுகப்படுத்தியது.

* Per second bill - செக்கன் அடிப்படையிலான கட்டண அறவீடுகள். இந்த வசதியை முதன் முதலாக இலங்கையில் ரீகோ தான் வழங்கியது என்பது குறிப்பிடத்தக்கது.

* உங்களுக்கு வரும் மின்னஞ்சல்களை எஸ்.எம்.எஸ் வழியாக அறிந்து கொள்ளலாம்.

உங்களுடைய டயலொக் தொலைபேசியிலிருந்து ஈமெயில்களை அனுப்பிக் கொள்ளவும் பெற்றுக் கொள்ளவும் முடியும். எந்தவித கட்டணங்களும் அறவிடப்படமாட்டாது. அதாவது உங்களது தொலைபேசி இலக்கத்தின் முன்னுள்ள 77 என்ற இலக்கத்தை தவிர்த்து மீதமுள்ள 7 இலக்கத்துடன் @dialog.lk என்பதை சேர்த்து ஈமெயில் அனுப்பினால் உங்களுடைய போனுக்கு எஸ்எம்.எஸ் வரும். உதாரணமாக உங்களது தொலைபேசி இலக்கம் 0777123456 என்றால் 7123456@dialog.lk என்பதை மின்னஞ்சல் முகவரியாக பயன்படுத்தலாம்.

ஜிமெயிலில் கணக்கு இருந்தால் உங்களுக்கு வரும் ஈமெயில்களை உங்களுடைய போனுக்கே அறிவிப்பு செய்தியாக அதாவது யார் அனுப்பியது என்ன சப்ஜெக் போட்டு ஈமெயில் வந்துள்ளது என்பதை தெரிவிக்கும். இதற்கு நீங்கள் செய்ய வேண்டியது ஜிமெயில் தளத்திற்கு சென்று லொகின் செய்து செட்டிங் பகுதிக்குச் செல்லவும். பின்னர் போவேர்ட் என்ற ரப்பை கிளிக் செய்து forword to என்பதில் உங்களுடைய டயலொக் இலக்கத்துடன் அதாவது 7இலக்க டயலொக் மின்னஞ்சல் முகவரியை வழங்கவும். உதாரணமாக 7123456@dialog.lk
முயற்சி செய்து பாருங்களேன்.....

27 November 2008

நாளாந்தம் சட்ட ரீதியான மென்பொருள் இலவசம்

மதிப்பு மிக்க மென்பொருட்கள் ஒவ்வொரு நாளும் இலவசம்
சட்டரீதியான அனுமதியுள்ள மென்பொருள்கள் ஒவ்வொரு நாளும் புதுப்புது, வித்தியாசமான மென்பொருள்கள் இலவசமாக giveawayoftheday.com என்ற இணையத்தளத்தில் வழங்கப்படுகிறது.ஒரு நாளில் எத்தனை பேர் வேண்டுமானாலும் அந்தக் குறிப்பிட்ட மென்பொருளை டவுண்லோட் செய்துகொள்ளலாம். மாறாக அடுத்தநாள் முயற்சித்தால் இலவசம் ஆப்பாக செய்யப்பட்டிருக்கும் அதாவது பணம் செலுத்த வேண்டியிருக்கும்.ரயல் பதிப்புகளை வெளியிடாமல் ஒரிஜினல் பதிப்பையே இலவசமாகவும், சட்டரீதியாகவும் வெளியிடுகிறார்கள். அந்த மென்பொருளில் எந்தவிதமான கட்டுப்பாடுகளும் இல்லாமல், முழுமையான பயன்பாடாக இருப்பதால் நமக்கு நன்மையே. வைரஸ் தொந்தரவுகள் அற்றது.தள முகவரி :http://www.giveawayoftheday.com/

இரவில் தூக்கம் இன்றி தவிக்கின்றீர்களா?

தூக்கம் வராமல் படுக்கையில் புரண்டு புரண்டு படுப்பவர்கள் தூக்கம் வர மாட்டேங்குதே, எப்போது வரும்? என்று சிந்தித்துக் கொண்டே இருப்பார்களா? அவ்வாறு சிந்திக்கும்போது மூளைக்கு வேலை ஆரம்பித்து விடுகிறது. பிறகு எப்படி தூக்கம் வரும்? மூளை அமைதியாக இருந்தால் தானே சட்டுபுட்டென்று தூக்கம் வரும். தூக்கம் வராவிட்டாலும் எதையும் சிந்திக்காமல் அமைதி காத்திருங்கள். தூக்கம் தானாக வரும்.

ஒருவரிடம் பணம் இருக்கிறதோ இல்லையோ நிம்மதியான தூக்கம் இருக்க வேண்டும். அது தான் விலை மதிப்பற்ற உண்மையான செல்வம். கோடிக்கணக்கில் பணம் இருந்தும் நிம்மதி இல்லாமல், தூக்கம் இல்லாமல் தவிப்பவர்கள் ஏராளம்.
இரவில் தூக்கம் இன்றி தவிக்க பல்வேறு காரணங்கள் உள்ளன. சரியான நேரத்தில் படுக்கைக்குப் போகாதது தான் இதற்கு முழு முதற்காரணம்.

எல்லோரது வீடுகளிலும் டி.வி. இருக்கிறது. அதைவிட கம்பியூட்டர்களையும் பல வீடுகளில் காண முடிகிறது. தூக்கத்தை கெடுக்கும் நவீன சாதனங்களில் இவற்றின் பங்களிப்பும் பெருமளவு உண்டு என்பதை மறுக்கமுடியாது.
இரவு நேரம் தொடங்கிவிட்டால் எந்த டி.வி சனலை திருப்பினாலும் மெகா சீரியல்கள் தான். இந்த சீரியல்களை இரவிரவாக விழித்திருந்து பார்க்கும் தாய்க்குலங்கள் நிறையபேர் உள்ளன. பார்க்காவிட்டால் பக்கத்து வீட்டு அன்ரியிடம் மீதி கதையை கேட்கும் தாய்க்குலங்களுடன் மாணவச் செல்வங்கள் ஒருபுறம்.

இதேபோல் டி.வி மெகா சீரியல் பிடிக்கவில்லையென்றால் கம்பியூட்டரில் கேம்சிலும் இன்ரநெற் சட்டிங்கிலும் மூழ்கிக் கிடக்கும் வருங்கால தூண்களும் ஏராளம். பசியைக் கூட மறந்து அதில் ஒன்றிப்போய் விடுகின்றனர். இந்த வர்க்கத்திற்குள் நானும் ஒருத்தன்.
அளவான உடல் உழைப்பு, உடற்பயிற்சி ஆகியவை சுகமான ஆழ்ந்த இதமான தூக்கத்தை தருகின்றன. காலை, மாலை வேளைகளில் உங்களால் முடிந்த உடற்பயிற்சியை சிறிதுநேரம் செய்யுங்கள். இரவில் படுத்தவுடன் தூக்கம் அப்படியே உங்களை தாலாட்டும்.

தூக்கத்தை கண்களில் தவழச்செய்வதில் பாலுக்கு முக்கிய இடம் உண்டு. படுக்கைக்கு செல்லும் சிறிது நேரத்திற்கு முன்பு பால் அருந்துங்கள். இரவில் நன்றாக தூக்கம் வரும். வாழைப்பழம், பாண் ஆகியவற்றுக்கும் தூக்கத்தை தூண்டக் கூடிய பவர் உண்டு. அதனால் இவற்றை இரவு உணவாக எடுத்துக் கொள்ளலாம். பகல் நேரங்களில் இந்த உணவை தவிர்ப்பது தான் நல்லது. இல்லையென்றால் பகலிலும் தூங்கி விடுவீர்கள். படுக்கச் செல்லும் போது இனிமையான இடைக்கால பாடல்களை கேட்டுக் கொண்டே தூங்கலாம். இது சிலருக்கு இடைஞ்சலாகவும், பலருக்கு இனிய தூக்கம் வரவும் வழி அமைக்கும்.

குறிப்பிட்ட நேரத்தில் எழ வேண்டும் என்பதற்காக சிலர் அலாரம் வைத்து தூங்குவார்கள். நிறையபேர் அலாரத்தின் ஓசையை அதிக அளவில் வைத்துக்கொண்டு எழுகிறார்கள். இப்படி செய்வது தவறு என்கிறது ஒரு ஆய்வு. அதிகப்படியான அலாரத்தின் ஓசை வெறுப்பை ஏற்படுத்துவதாகவும் தெரிவிக்கிறது அந்த ஆய்வு.
இனியும்.. தூக்கம் வரவில்லை சொல்ல மாட்டீர்கள்கள்தானே...? அனுபவி ராஜா அனுபவி.

(மித்திரனில் சுட்டு எடிட் பண்ணிய ஆக்கம்)

பாஸ்வேர்ட் அமைக்க சில குறுக்கு வழிகள்

கணினி பயன்படுத்துபவர்களுக்கு பாஸ்வேர்ட் மிகவும் முக்கியமான ஒன்றாகும். பாஸ்வேர்ட் பயன்படுத்தாமல் நாம் கம்பியூட்டரை முழுமையாக இயக்க முடியாது. உண்மையில் பாஸ்வேர்ட் என அழைக்கப்படும் பின் (PIN) என்பது ஒரு பூட்டைத் திறக்கும் சாவி போன்று செயல்படுவதாகும். கணினியில் உள்ள புரொக்கிராம்களை விண்டோஸ் போன்றவற்றை தனித்தனியாக பாஸ்வேர்ட் என்ற போர்வையால் பூட்டிக்கொள்ளலாம்.

பாஸ்வோட் எனப்படும் பின் பயன்படுத்தப்படும் சூழ்நிலைகளாவன:

1. கணினியை இயக்க ஆரம்பிக்கும் போது பாஸ்வேர்ட் பயன்படுத்தப்படுகிறது.
2. கம்பியூட்டரை நெட்வேர்க்கில் இணைக்கும் போது
3. சில மென்பொருட்களை ஆரம்பிக்கும் போதும் உருவாக்கும் போதும் தேவைப்படலாம்.
4. இன்டர்நெட் இணைப்பை ஏற்படுத்த (dialup/ wireless)
5. குறிப்பிட்ட சில இணையத்தளங்களை மேயும் போது பதிவு செய்து யூசர்நேம் மற்றும் பாஸ்வேர்ட் கொடுத்தால் மட்டுமே தகவல்களை பார்வையிடலாம்.
6. இணையத்தளங்களில் ஈ.மெயில் கணக்கு ஆரம்பிக்கும் போது சரி பயன்படுத்தும் போதும் சரி பாஸ்வேர்ட் மிகவும் அவசியம்.
7. மின்வணிகத்தில் ஈடுபடும் போதும், கிரடிட் கார்ட்டை செயற்படுத்தும் போது... (E-commerce)
8. முக்கியமான இரகசிய தகவல்களை திருட்டு போகாமல் பாதுகாத்து வைக்க..
9. சில கருவிகள் (Routers, network printers...) மற்றும் பைல்களை கையாளும் போது என பல தடவை நாம் பாஸ்வேர்ட் எனும் கருவியை மட்டுமல்லாது அதன் யூசர் நேம்மையும் பயன்படுத்த வேண்டும்.

சமீபத்தில் நடந்த ஆய்வின் போது தெரியவருவதாவது:
கம்பியூட்டர் பயன்படுத்துபவர் குறைந்தபட்சம் 10 பாஸ்வேர்ட்டுக்களை நினைவில் வைத்துக் கொள்ளவேண்டியுள்ளதாக ஆய்வில் தெரிவிக்கப்பட்டுள்ளது. அதில் 30 சதவீதமான பயன்பாட்டாளர்கள் 6 இலிருந்து 9 வரையான பாஸ்வேர்ட்டுகளை மட்டுமே நினைவில் வைத்துள்ளனர்களாம். மேலும் இந்த ஆய்வின் முடிவில் 88 சதவீத்தினர்கள் பாஸ்வேர்ட்டுகளை பயன்படுத்துவதில் தடுமாற்றமும் வெறுப்பும் அடைந்துள்ளதாக தெரிவித்துள்ளது.

பாஸ்வேர்ட் உருவாக்க சில எளிய வழிமுறைகள்

1. பாஸ்வேர்ட்களை எளிதாக ஞாபகம் வைத்துக் கொள்ளக்கூடியதாகவும், பிறர் இலகுவில் ஊகித்து பாஸ்வேர்ட்டுகளை கண்டறிய முடியாதவாறும் இருக்கவேண்டும்.
2. பாஸ்வேர்டுகள் ஒன்றுக்கொன்று வித்தியாசமாக அமைக்கவேண்டும். அத்துடன் பாஸ்வேர்ட்டில் குறைந்தபட்சம் 6 எழுத்துக்களாவது இருக்கவேண்டும்.
3. பாஸ்வேர்ட்டில் பெரிய எழுத்துக்களையும் (Capital letters) சிறிய எழுத்துக்களையும் (small letters) இலக்கங்கள் மற்றும் சிறப்பு எழுத்துக்களை (%, !, #, $, @, -) பயன்படுத்தலாம்.எல்லா வகையான எழுத்துக்களையும் கலந்து பாஸ்வேர்ட்டை பயன்படுத்துங்கள். அது மிகப்பெரிய பாதுகாப்பு வேலியாக அமையும் என்பதில் சந்தேகமேயில்லை.
4. பாஸ்வேர்ட்டுகளை குறிப்பிட்ட கால இடைவெளியில் மாற்றிக் கொண்டேயிருங்கள். உதாரணமாக மாதமொரு முறை அல்லது மூன்று மாதங்களுக்கு ஒரு தடவையேனும் மாற்றினால் உங்களது தகவல்களுக்கு பாதுகாப்பாக இருக்கும்.
5. தனிநபரின் பெயரோ அல்லது ஊர் பெயரையோ பாஸ்வேர்ட்டாக பயன்படுத்தாதீர்கள். முக்கியமாக பிறந்த திகதியோ மொபைல் நம்பரையோ அல்லது காதலன் காதலியுடைய அல்லது அப்பா அம்மா உறவுப் பெயர்களையெல்லாம் கண்டிப்பாக பயன்படுத்தவே கூடாது.
முயற்சி செய்து தான் பாருங்களேன்.

மகிழ்ச்சியாக இருக்க சில வழிமுறைகள்...

மகிழ்ச்சியாக இருக்க (Always Smile)

* உங்களுக்கு பிடித்த பாடகரின் இனிமையான பாடல்களை கேட்டு மகிழலாம்.
* உங்களை நீங்களே நேசியுங்கள் இதனால் மன அழுத்தம் குறைந்து உங்கள் மீது நம்பிக்கை உருவாகும்.
* மற்றவர்களையும் மனதார நேசியுங்கள். எந்தவொரு காரியத்தை ஆரம்பிக்கும் போதும் பாராட்டி/வாழ்த்துக்களை தெரிவியுங்கள்.
* நண்பர்களுடன் ஜாலியாக ஊர் சுற்றுங்கள். விடுமுறை நாட்களில் சினிமா, பூங்கா போன்ற பொழுதுபோக்கு இடங்களுக்கு செல்லுங்கள். விரும்பினால் குடும்பத்தாருடன் செல்லுகின்றனர்.
*
வாய்விட்டுச் சிரியுங்கள், நோய் விட்டுப்போகும் எனவே எப்பொழுதும் மகிழ்ச்சியாக இருங்க.


குடும்ப மகிழ்ச்சிக்கு சில வழிமுறைகள்...

குடும்பத்தில் உள்ள ஒவ்வொரு உறுப்பினர்களின் எண்ணமும் "எங்கள் குடும்பம் அமைதியான ஒற்றுமை மிக்கது" என்று அனைவரும் உணர்ந்திருந்தாலே அதுவே ஒரு பெரிய மகிழ்ச்சி.

* குடும்பத்தில் ஒரு வேளையாவது, அனைத்து உறுப்பினர்களும் சேர்ந்து உணவு உண்ணுங்கள்.
* விடுமுறை தினங்களில் வெளியூர் பயணம் சென்று குடும்பத்துடன் தங்கி மனம் விட்டுப்பேசி மகிழ்ந்து சிரித்துக் கொண்டாடி வருங்கள். அது மட்டுமல்ல வாரம் ஒரு முறையாவது வெளியில் அதாவது பார்க், பீச் என்று சென்று ஜாலியாக இருங்கள்.
* ஒருவரின் வெற்றியை எல்லோரும் கொண்டாட வேண்டும். வாழ்த்துக்களைப் பரிமாற வேண்டும்.
* ஒருவருக்கு சங்கடமோ, தோல்வியோ வந்தால் அனுதாபத்துடன் தனித்தனியாகச் சென்று பேசி ஆதரவு கொடுக்க வேண்டும்.
* எவர் என்னைத் திட்டினாலும், கோபித்தாலும், என்னை அவமதித்தாலும், எனக்கு உதவி செய்ய மறுத்தாலும், நான் அன்பு செய்வேன். உங்கள் மேல் நான் கொண்டுள்ள அன்பே பேரானந்தம் என்று கூற வேண்டும்.


(தொடரும்)

10 November 2008

இலவசமான co.cc என்ற டொமைன் முகவரி பெற்றுக் கொள்ள...


தற்பொழுது பாவனையில் .com, .net, .org போன்ற பல பிரபல டொமைன்கள் உள்ளதை நீங்கள் அறிந்ததே ஆனால் இப்படியான டொமைன்களை அதாவது வெப் முகவரிகளை பெற்றுக் கொள்வதற்கு வருடாந்தம் குறிப்பிட்ட தொகைப் பணம் செலுத்தவேண்டும். ஆனால் தற்பொழுது .co.cc என்ற டொமைன் முகவரி மிகப்பிரபலமாகி வருகின்றது. ஏனென்று ஒரு கேள்வியை கேட்டால் இலவசமாக .co.cc டொமைன் நேம் வழங்குகிறது என்பதே.

புளொக் (blog) வைத்திருப்பவர்களுக்கு தமது புளொக் முகவரி நீண்டிருப்பது பிடிக்கவில்லையென்றால் .co.cc என்ற முகவரிக்கு மாறிக் கொள்ளுங்கள். உதாரணமாக எனது புளொக் முகவரி
www.kt-sarangan.blogspot.com என்ற இந்த நீண்ட முகவரியை தற்பொழுது www.ktsarangan.co.cc என்ற முகவரிக்கு forward செய்துவிட்டேன். அதேவேளை எனது புளொக் முகவரியும் உபயோகத்தில் இருக்கும். அதில் எந்த மாற்றமும் செய்யவேண்டியதி்ல்லை. வழக்கம் போல உங்களின் புளொக்கை அப்டேட் செய்யுங்கள்.

www.ktsarangan.co.cc என்பதை அட்ரஸ் பாரில் ரைப் செய்தால் தானாகவே எனது புளொக் முகவரியை இணைக்கும்.
.co.cc முகவரி பெற்றுக் கொள்வது முற்றிலும் இலவசமானதும் எந்தவிதமான விளம்பர தொந்தரவுகள் அற்ற ஒரு டொமைன் முகவரி என்றே கூறவேண்டும். அது மட்டுமல்ல இந்த வெப்சைட் மூலம் பணமும் சம்பாதிக்கலாம்.


எப்படி இலவச முகவரியை (example.co.cc) பெற்றுக் கொள்வது என்பது பற்றியும் பின் உங்கள் புளொக் முகவரியை உங்களின் பெயர்.co.cc என்பதற்கு மாற்றுவது போன்ற விபரங்கள் பற்றியும் சிறு விளக்கம்......

முதலில் .co.cc இணையத்தள முகவரிக்குச் சென்று உங்களுக்கு விருப்பமான தளமுகவரி இருக்கிறதா என்பதை check பண்ணி பாருங்கள். இருந்தால் Continue to Registration என்பதை கொடுத்து பெயர், இமெயில் முகவரி மற்றும் பாஸ்வேர்ட் ஆகியவற்றை கொடுத்து புதிய அக்கவுண்ட ஒன்றை பதிவு செய்து கொள்ளுங்கள்.

பின்னர் sign in here என்பதை கிளிக் செய்தால் எக்கவுண்ட் (Manage Domain) பக்கத்திற்கு செல்லும் அதில் கீழே URL Forward என்று ஒரு மெனு இருக்கும். அதை கிளிக் செய்தால் உங்கள் வழமையான தளமுகவரி அதாவது நீண்ட புளொக் முகவரியை Redirect to என்பதில் வழங்கி setup என்பதை சொடுக்கவும். இனிஎன்ன என்று கேட்கிறீர்களா அவ்வளவுதான் விஷயம். இனி உங்களின் சிறிய .co.cc முகவரியை அட்ரஸ் பாரில் ரைப் பண்ணி பாருங்கள். வலைப்பக்கம் வருகிறதா என்று வராவிட்டால் எனக்கொரு மெயில் பண்ணுங்க சந்தேகத்தை தீர்த்து வைக்கிறன். இலவசமாக பெற்ற டொமைன் நேமை (example.co.cc) உங்கள் நண்பர்களுக்கு தெரிவியுங்கள். மிகஇலகுவானதும் விளம்பர தொந்தரவுகள் எதுவுமற்ற தளம். ஒரு தடவை முயற்சி செய்து தான் பாருங்களேன். வாழ்த்துகள்....

முத்தமிடுங்கள்......

கிஸ் பண்ணுங்க-பண்ணுங்க, பண்ணிகிட்டே இருங்க ஆயுள் அதிகரிக்கும்!

அண்மையில் பத்திரிகையில் படித்த விடயத்தை சுருக்கமாக தருகின்றேன். அதாவது தம்பதிகள் முத்தமிடுவது அவர்களின் உணர்ச்சிகளில் மட்டும் நின்றுவிடப்போவதில்லை. ஆயுளும் அதிகரிக்கிறதாம். இது பற்றி பிரித்தானியாவில் ஆய்வொன்றை நடத்தியிருக்கிறார்கள். இதுக்கெல்லாம் ஆய்வா? என்று இலங்கையில் இருக்கிறவர்கள் கேட்கிற கூட்டமும் இருக்கதான் செய்கிறது. அதில் தெரிவித்ததாவது ஒரு பெண் திருமணம் செய்வதற்கு முன்னர் சராசரியாக 60 முதல் 70 வரையான ஆண்களை முத்தமிடுகிறாளாம். அதாவது வைபவங்களின் போது மகிழ்ச்சியை பகிர்வதற்கு மட்டும் தப்பாக இல்லையாம். இது நமது நாட்டிற்கு எவ்வளவு பொருந்தும் என கணக்கிட்டால் ??????? கேள்விக்குறியே விடை.

முத்தமிடுவதால் எமது நரம்புகள் மற்றும் உமிழ்நீர் சுரப்புகள் அதிக வேகத்துடன் தொழிற்படுவதால் இரத்தஓட்டம் சீராக அமைகிறதாம்.
முத்தமிடும் போது ஆறுதலாக உணர்ச்சி வசப்படாமலும் உதடும் உதடும் சேர்ந்த மாதிரி கிஸ் பண்ணுங்க. மிக முக்கியம் வெட்கப்படாமல் உங்கள் காதலனை அல்லது காதலியை முத்தமிடுங்கள். வெள்ளைக்கார கிஸ் பண்ணுங்க.
முத்தம் பற்றி நிறைய விடயங்களைப் பற்றி தொகுத்து
தருகின்றேன்.

வெயிட் அன் சீ......

காதலிக்க சில ஆலோசனைகள்

ஐ லவ் யூ சொல்லப் போறீங்களா? இதோ சில ஆலோசனைகள்...
:: எனது இதயபூர்வமான வாழ்த்துக்கள் :: வெற்றி உங்கள் கையில்......

இந்த வார்த்தை படுத்தும்பாடு தான் என்ன? அதைவிட சொல்லப்படும் பாடு சொல்லிலடங்காதவை. இதோ சில ஆலோசனைகள். பயப்படாமல் செய்து பாருங்கள். செய்யும் போது பார்த்து கவனம். செருப்படிகள் விழுந்தால் அதற்கு நான் பொறுப்பல்ல.
எனது நண்பர் சொன்ன அனுபவங்களுடன் எனது அனுபவங்களும்....


* சொல்லும் காதல் தான் செல்லும், சொல்லாக் காதல் செல்லாது. காதலை சொல்லாமல் மறைத்து வைத்திருந்தால் அதாவது ஒரு தலைக் காதலாக இருந்தால் யாராவது தள்ளிகிட்டு போயிடுவாங்கள். பார்த்து கொள்ளுங்கள்.

* உங்களது காதலை எஸ்.எம்.எஸ் மூலமாக அல்லது ஈ.மெயில் மூலமாகவோ அல்லது தொலைபேசி வாயிலாகவோ அல்லது எழுத்து வடிவிலோ உணர்த்தலாம். அதற்கு மேலே நண்பரை தூது அனுப்பலாம்.
எச்சரிக்கை செல்லும் நண்பன்/நண்பி சொதப்பும் படியாக இல்லாமல் தெளிவான முறையில் கூறக்கூடியவராக இருக்கணும். இல்லையென்றால் தூது செல்ல போனவனே தள்ளிட்டு போற நிலை வேண்டாம்.

* விசேட தினங்களில் ரேடியோ அல்லது தொலைக்காட்சி நிகழ்ச்சிக்கு தொலைபேசி அழைப்பை ஏற்படுத்தி வாழ்த்துகள் கூறலாம். அன்புக்குரியவருக்கு பாடலை விரும்பிக் கேட்கிறதாகவும் இருக்கும் காதலை பிரபலபடுத்தியதுமாகவும் இருக்குமல்லவா.

* நீங்கள் தெரிவு செய்யும் உங்கள் துணை வாழ்நாள் முழுவதும் அன்பை பொழிவாரா அல்லது சின்ன வீடு பார்ப்பாரா என்றெல்லாம் கொஞ்சம் தெரிந்து வைத்துக் கொள்ளுங்கள்.

* ஐ லவ்யூ சொல்லப்போகும் நபரிற்கு அது ஆணாக இருக்கட்டும் பெண்ணாக இருக்கட்டும் பரிசு பொருட்கள் அல்லது உங்கள் அன்புக்குரியருக்கு என்ன தேவை என்பதை புரிந்து கொண்டு தேவையான பொருளை பகிர்ந்தளியுங்கள். அது உங்கள் அன்பினை வெளிப்படுத்தும் ஒரு கருவியாக செயற்படும்.
பொதுவான ஆலோசனை: பெண்களிற்கு பொம்மைகள் அதுவும் நாய்க்குட்டி மற்றும் குழந்தைப் பொம்மை மிகவும் பிடிக்கும். எல்லா காதலிகளுக்கும் இது உகந்ததல்ல. ஒரு சிலர் இதற்கு விதிவிலக்கு.

* கொடுக்கும் பரிசு பொருட்கள் சிறிய பொருளாக இருந்தால் பிடிபடாமல் வீட்டில் தப்பிக் கொள்ளலாம். பெண் பிள்ளைகள் காதலிக்கும் போது ஏனோ தெரியல காதலனுக்கு பெரிசு பெரிசா தான் வாங்கி கொடுப்பாளவ......
எனக்கு நடந்த ஒரு அனுபவக்கதை எனது நண்பன் யாழ்ப்பாணத்தில் இருந்தபோது ஒரு பெண்ணை சீரியாசாக லவ் பண்ணிணான் பின் வெளிநாடு செல்வதற்காக கொழும்புக்கு வந்து விட்டான். (கொழும்பிலிருந்து லவ் தொடர்ந்தது) ஆனால் காதலியோ யாழ்ப்பாணத்தில் ஏ.எல். படிக்கிறாள். அண்மையில் நான் எனது பெற்றோர்களைப் பார்க்க யாழ்ப்பாணம் சென்றிருந்த சமயம் நண்பன் தனது காதலிக்கு நான் யாழ். வந்த விடயம் கூறிவிடவே அவள் பெரிய சொப்பிங் பாக்கிற்குள் பரிசுப் பொருளும் கைபட எழுதிய கடிதமும் கொண்டு வந்து தந்துவிட்டாள். தனது காதலனிடம் சமர்ப்பிக்குமாறு.. நானும் சரி தங்கச்சி என்டு வாங்கி விட்டேன். இனிதான் எனது வீட்டில் சீன் சமாளிக்க வேண்டுமே. என்ன செய்வதென்று தெரியாமல்
வெயிட் அன் சீ.......

(தொடரும்)

எல்லா ஆக்கத்திற்கு கீழே தொடரும் தொடரும் என்று போட்டுக் கொண்டு வருகிறாய் அதை முடிக்காமல் அடுத்தடுத்து வேறு ஏதேதோ எழுதுகிறாய் என்று எனது நண்பன் யாழ்ப்பாணத்திலிருந்து மெயில் பண்ணியிருந்தான். அது உண்மை தான் எங்க அய்யா நேரம் வேலை செய்து போட்டு ரூம்முக்குள்ள போய் படுத்து தூங்கவே நேரம் சரியாகி விடுது பிறகெப்படி புளொக்குகளை எழுதி முடிக்கிறது. ஏதோ முடிந்தவரைக்கும் எழுதுறன் என்று நண்பனுக்கு கூறினேன். வலைப்பூ நண்பர்களே எனது தொடரும் ஆக்கங்களை வெகுவிரைவில முடிக்க முயற்சி செய்யுறன். நம்பிக்கையை கைவிடாதீர்கள்.

21 October 2008

அகன்ற அலைவரிசை அதிவேக இன்டநெற் இணைப்பு (BROADBAND)

அகன்ற அலைவரிசை அதிவேக இன்டநெற் இணைப்பு (BROADBAND)

சமீப காலங்களில் மக்களிடம் அதிகமாக பிரபல்யமடைந்த விடயங்களில் இந்த அதிவேக இன்டநெற் இணைப்பான அகன்ற அலைவரிசையும் ஒன்று. இன்று நாம் பயன்படுத்தும் இன்டர்நெற் இணைப்பு என்பது குறைந்த செலவில் அதிக பயன்தரும் வகையில் உருவாக்கப்பட்ட வரிசையில் அகன்ற அலைவரிசையும் ஒன்று.

இலங்கையில் வழங்கப்படும் அகன்ற அலைவரிசை சேவை (Broadband Service in Sri Lanka)இலங்கையில் உள்ள தொலைத்தொடர்பு நிறுவனங்கள் அகன்ற அலைவரிசை இணைப்பை வழங்குவதால் பாரியளவில் இலாபமீட்டுவதுடன் அனைத்து மக்களும் பயன்பெறக் கூடிய வகையில் கட்டண வசதியுடன் சிறந்த சேவையையும் வழங்கி வருவது குறி்ப்பிடத்தக்க அம்சமாகும்.

இன்றைய கால கட்டத்தில் பல விதமான இன்டர்நெட் இணைப்புகள் உபயோகத்தில் இருந்து வந்தாலும் இந்த அகன்ற அலைவரிசை நெட்வேர்க் என்பது தான் மிகப்பெரிய அளவில் பெயர் பெற்றிருக்கிறது. அதற்கு இரண்டு காரணங்களைக் கூறலாம். ஒன்று மிகக்குறைந்த கட்டணம் மற்றொன்று அதிவேகமாக இணைய இணைப்பு.நமது நாட்டில் Slt, Dialog மற்றும் Lankabell போன்ற நிறுவனங்கள் அகன்றஅலைவரிசை இணைப்பை வழங்கிவருவதுடன் பாவனையாளருக்கேற்ப பொதிகளையும் பல்வேறு வகையான வேகங்களில் வழங்குவதுடன் ஒவ்வொரு பொதிகளுக்கும் வெவ்வேறு வகையான கட்டணங்களையும் அறவிடுவதால் விரும்பிய பக்கேஜ்களை (பொதிகளை) தேர்வு செய்யலாம்.அகன்ற அலைவரிசை இணைப்பை 512 Kbps க்கும் மேற்பட்ட பல்வேறு வகையான வேகங்களில் பெற்றுக் கொள்ளலாம். இணைப்பை ஆகக்குறைந்தது ரூபா 2500 க்கும் மேற்பட்ட மாதாந்த வாடகைகளில் இலங்கையில் பெற்றுக் கொள்ளலாம் என்பது குறிப்பிடத்தக்கதொரு அம்சமாகும்.

புதிதாக இணைப்பைப் பெற்றுக் கொள்ள விரும்பும் பயனாளர்கள் தொடக்க வைப்புப் பணமாக ரூபாய் 3000 கட்டினால் போதும். மேலும் ஒவ்வொரு மாதமும் ரூபா 2000 முதல் 5000 வரை வேக அடிப்படையில் கட்டணம் அறவிடப்படுகிறது.தற்போதைய வளர்ச்சிப்படி சீனா மற்றும் தென்கொரியா போன்ற நாடுகள் தான் இந்த அகன்ற அலைவரிசை இணைப்பை நிறுவனங்களுக்கிடையில் அறிமுகப்படுத்தியுள்ளது. இன்டர்நெற் இணைப்பை பொறுத்த வரை உலக நாடுகள் அனைத்துடனும் ஒப்பிட்டுப் பார்க்கையில் குறிப்பாக ஐரோப்பா மற்றும் அமெரிக்கா போன்ற நாடுகளுடன் ஒன்றிணைத்துப் பார்க்கையில் எமது நாட்டில் அறவிடப்படும் கட்டணமானது சற்றுக் குறைவானதாகும். எனினும் இந்தியாவை நோக்கும் போது எமது நாட்டு கட்டணத்தை விட பாதியளவே அறவிடப்படுகிறது.

எமது நாட்டில் அதாவது இலங்கையில் மிகவும் பிரபல்யமடைந்த தொலைத் தொடர்பு நிறுவனங்களான Slt, Dialog, Lankabell ஆனது கொழும்பையும் அதனை அண்டிய பகுதிகளிலுமே இந்த அகன்ற அலைவரிசை திட்டத்தை அறிமுகப்படுத்தியுள்ளது. இதைவிட Mobile Broadband என்ற இணைப்பை தற்போது Mobitel மற்றும் Dialog மொபைல் நிறுவனங்கள் வழங்கி வருகிறது. எனினும் இம்முறையில் இணைப்பை பெற்றுக் கொள்ள சற்று செலவாகும். இதன் நன்மை என்ன என்று நோக்கினால் சிறிய மொடம் ஒன்று வழங்குனரினால் தரப்படும் இதன் மூலம் எங்கும், எந்த பகுதிகளிலும், எந்த கணினிகளில் இணைய இணைப்பை ஏற்படுத்திக் கொள்ளலாம் என்பது இதன் சிறப்பம்சம் ஆகும்.

மொபைல் மொடம் மட்டுமே ரூபா 10,000 லிருந்து 30,000 வரை கிடைக்கிறது. மாதாந்த வாடகை ரூபா 3000 லிருந்து 5,000 வரையில் செல்கிறது. இதனை விட வைப்புப் பணமாக ரூபா 4000 செலுத்த வேண்டும். (நிறுவனங்களுக்கிடையில் வேக அடிப்படையில் வேறுபடலாம்)

உலக அளவில் தகவல் தொழில்நுட்பத்துறையில் தன்னிறைவு பெற்ற நாடாக விளங்கினாலும் சொட்வெயார் தயாரிப்பதில் முன்னிலை பெற்று விளங்கினாலும் பல பில்லியன் அளவு மக்கள் தொகையை கொண்டிருந்தாலும் இன்டர்நெற் உபயோகிப்பாளர்கள் எண்ணிக்கையானது மிகக்குறைந்தளவான 6 சதவீதம் தான். மேலும் இந்த அகன்ற அலைவரிசை உபயோகிப்பாளர் எண்ணிக்கையானது 4 சதவீதம் என்பது குறிப்பிடத்தக்கது. இந்நிலை இலங்கையில் பாதியளவு கூட இல்லையென்றே சொல்லலாம்.

ஏன் இந்த அகன்ற அலைவரிசை (Broadband) வேண்டும்?இன்று எல்லோராலும் பரவலாகப் பேசப்படுவது இந்த அகன்றஅலைவரிசை இன்டர்நெற் இணைப்பு தான். ஏன் அகன்ற அலைவரிசை இணைப்பு தேவை என்பதற்கு கீழே கொடுக்கப்பட்டுள்ள முக்கிய காரணங்களை கூறலாம்.

1. வேகம் (SPEED)
இந்த அகன்ற அலைவரிசை என்பது நாம் ஏற்கனவே MODEM மூலம் அனுப்பி தகவல் அனுப்பி வந்த வேகத்தை விட அதிகமாக உள்ளது. குறிப்பாகச் சொல்ல வேண்டுமானால் அகன்ற அலைவரிசை இணைப்பானது 8 முதல் 10 மடங்கு அதிக வேகத்தை அளிக்கிறது. அலைவரிசையின் தரமான வேகமான 2 MBBS அளவை உபயோகிப்பதால் தகவல்களை இன்டர்நெற் மூலம் குறுகிய காலத்தில் DOWNLOAD ஆவதுடன் நமது நேரத்தையும் செலவையும் குறைத்துக் கொள்ள உதவுகிறது.

2. உடனடி இணைப்பு (INSTANT CONNECTION)
இந்த வகையான இணைப்பானது எப்பொழுதுமே உடனுக்குடன் இணைப்பை ஏற்படுத்திக் கொள்ள வழி வகுக்கிறது. ஆனால் நாம் முன்னர் உபயோகித்து வந்த MODEM மூலம் இணைப்பை ஏற்படுத்திக் கொள்ள வேண்டுமானால் யூசர்நேம் மற்றும் பாஸ்வேர்ட் கொடுத்து டயல் செய்து இணைப்பை பெற குறைந்தது 20 முதல் 25 நொடிகள் ஆகும். அதன் பின்னர் தான் தகவல்களை அனுப்ப முடியும்.

3. எப்பொழுதும், எந்நேரமும் இணைப்பு (ALWAYS ON)இவ்இணைப்பின் மூலம் 24 மணி நேரமும், வாரத்தில் ஏழு நாளும் இன்ரநெற் இணைப்பை இணைக்கப்பட்டிருப்பதால் தகவல்களை எப்பொழுது வேண்டுமானாலும் அனுப்பிக் கொள்ளலாம்.

4. இரண்டு வகை இணைப்பு வசதி நமது சாதாரண இன்டர்நெற் இணைப்பை (டயல்அப்) ஏற்படுத்தி கொண்டோமேயானால் தொலைபேசியில் அழைப்பை பெறவும் முடியாது அழைப்பை ஏற்படுத்தவும் முடியாது. அதாவது ஒரே நேரத்தில் இன்டர்நெற் தகவல் பரிமாற்றத்தையும் தொலைபேசி தொடர்பையும் உபயோகிக்க முடியாது. ஆனால் இந்த அகன்ற அலைவரிசை மூலம் இன்டர்நெற் இணைப்பை பெற்றால் இன்டர்நெற் உபயோகத்தையும் தொலைபேசி அழைப்பையும் ஒரே நேரத்தில் கையாள முடியும். இதனால் இணைய இணைப்பிலிருக்கும் போது எமது தொலைபேசியில் ENGAGED SOUND ஒலி எழுப்ப வாய்ப்பே இல்லை.

5. தரமான தகவல்கள் (RICHER CONRENT)
அகன்ற அலைவரிசை இணைப்பானது மிகவும் வேகமாக செயற்படுவதால் பல்ஊடகத் தகவல்கள் (MULTIMEDIA) வேகமாக பரிமாற உதவுகிறது. ஆனால் முன்பெல்லாம் மல்டிமீடியா (அதாவது பாடல்கள் வீடியோக்கள் மற்றம் பட) தகவல்களை பார்க்கும் போது அதிக நேரம் விரையமாகும் ஏனென்றால் மிகக்குறைந்த வேகம் காரணமாக. தற்போது அவ்வகையான குறைகளை அகற்றியுள்ளது அகன்ற அலைவரிசை இணைப்பு.

6. குறிப்பிட்ட கட்டணம் (FIXED COST)
இந்த வகையான இணைப்பானது ஒரு குறிப்பிட்ட தொகையையே மாதக் கட்டணமாக அறவிடுகிறது. ஆனால் முன்பெல்லாம் உபயோகத்திற்கு தகுந்தவாறு அதாவது நிமிட பாவனைக்கேற்ப கட்டணம் கூடியோ குறைந்தோ வரும். ஆனால் அகன்ற அலைவரிசை இணைப்பானது மாதாந்த வாடகை பணம் கட்டினால் போதும். எவ்வளவு நேரம் வேண்டுமானாலும் பயன்படுத்திக் கொள்ளலாம் என்பது புரோட்பான்ட் இணைப்பின் முக்கிய அம்சம். இதன் மூலம் அதிக நேரம் இணையத்தில் உலா வருவதால் பல தகவல்களை கற்றுக் கொள்ளக் கூடியதாகவுள்ளது இதன் பிளஸ்.

அகன்ற அலைவரிசை பற்றிய தொழில்நுட்ப கொள்கைகள்எங்கும் இணையம் எதற்கும் இணையம் என்று கூறும் அளவிற்கு இன்டர்நெட் இன்று எல்லோரிடமும் மிகவும் பிரபல்யமடைந்துள்ளது. ஒரு காலகட்டத்தில் மின்னஞ்சல் எனப்படும் இ.மெயில் மட்டும் அனுப்புவதற்பே இன்டர்நெற் பயன்படுத்தப்பட்டு வந்தது. தற்போது பலவிதமான காரணங்களுக்காக உபயோகப்படுத்தப்பட்டு வருகிறது. இன்னும் குறிப்பாகச் சொல்ல வேண்டுமானால் சில வியாபார நிறுவனங்கள் இந்த இணையம் எனப்படும் இன்ரநெற் இல்லையென்றால் வியாபாரமே செய்ய முடியாது என்பதுதான் உண்மை. இந்த இன்ரநெற்றை பயன்படுத்துவதற்கு இதுவரை காலமும் பலவிதமான இணைப்புகள் (அதாவது டயல்அப், லீஸ் லைன்) உபயோகத்தில் இருந்தாலும் தற்போது அறிமுகப்படுத்தியிருக்கும் அகன்றஅலைவரிசை இணைய இணைப்பானது பலரையும் தன்பக்கம் ஈர்த்துள்ளது என்பது கண்கண்ட உண்மையாகும் என்பதை யாராலும் மறுக்கமுடியாது.

continue......

01 October 2008

தளஅறிமுகம்

இந்த வலைப்பதிவில் எனது சொந்த ஆக்கங்களையும், படித்துச் சுவைத்த பயனுள்ள சில தகவல்களையும் உங்களுடன் பகிர்ந்துகொள்வதற்காக எனது வலைப்பதிவை உங்களுக்காக வலைப்பூவாக மலரவிட்டுள்ளேன்.
எல்லாம் அவன் செயல் என்பதன் ஆர்த்தம் என்னவென்று கேட்கின்றீர்களா ஆம் எம்மை ஆளும் எமக்கு அப்பாற்பட்ட அந்த இறைவனின் செயலையே "எல்லாம் அவன் செயல்" என்று கூறி எனது வலைப்பதிவை ஆரம்பிக்கின்றேன்.


உங்களது கருத்துகளையும், ஆலோசனைகளையும் அனுப்பி வையுங்கள்.

அன்புடன் உங்கள் நண்பன்,
கே.ரி.சாரங்கன்