10 September 2009

யாழ்ப்பாணத்திலிருந்து கொழும்பு செல்வதற்கான நடைமுறை - 2

வவுனியாவிற்கு 200 ரூபா ரிக்கற் தந்தார். 450 ரூபாவுடன் கொழும்புக்கு கொண்டு சென்று விடமாட்டீர்களா என்று எனது நண்பர் வினவியபோது ''இல்லை தம்பி வவுனியா வரைக்கும் தான் எமது சேவை. நீங்களே தான் கொழும்பு சென்றால் என்ன, கண்டி சென்றால் என்ன'' என கூறினார்.

நானும் நண்பனும் பிளான் போட்டோம் வவுனியாவிலிருந்து பஸ்ஸில் கொழும்பு போவோம் என்று. ஆனால் எனக்கு தெரிஞ்ச பெரிசு சொல்லிச்சு தம்பி மாரே நீங்கள் பஸ்ஸில் போறது ஒன்றுமில்லை. செக்கிங் ஒவ்வொரு நேரமும் ஒரு மாதிரி இருக்கும். ஒரு தடவை செக்கிங் இருக்கவே இருக்காது. சில நேரங்களில் 4,5 தடவை கூட செக்கிங் பண்ண வாய்ப்புகள் இருக்கின்றது.

என்ன குண்டா கொண்டு போறம் என்று எனது நண்பன் கேட்க ஏதோ உங்கள் இஸ்டம் தம்பி மாரே! என்று கூறியது. ஒரு தடவை செக்கிங் பண்ணுறபோவெ வெறுக்குது பல தடவை என்றால் அலுப்புதான் வரும். ரயிலில் செல்வோம் என்று 9.30 சிங்கள மஹா வித்தியாலயத்தில் இருந்து கொண்டே பிளான் போட்டோம்.


நேரமோ சரியாக 9.45 ஐ செல்போன் காட்டியது. அனைத்து பஸ்களுமே இயக்க நிலைக்கு கொண்டு வந்தார்கள். 9.50 க்கு ஒவ்வொரு பஸ்ஸாக புறப்பட்ட ஆரம்பித்தது. முதலில் இரு சொகுசு தனியார் பஸ்களும் அதற்கு பின்னால் CTB பஸ்களும் கிளம்பின. 10.30 மணிக்கு சாவகச்சேரி நகரை கடந்து சென்றது. 11.30 மணிக்கெல்லாம் கிளிநொச்சி நகரை கடந்து பஸ்கள் சென்ற வண்ணம் இருந்தன.


நானும் நண்பனும் ஒரு புறம் சைட்டால சைட் அடிக்கிறதும் மிகுதி நேரமெல்லாம் அழிவடைந்த நகரையும் கட்டடங்களையும் பார்வையிட்டுக் கொண்டடிருந்தோம்.


கிளிநொச்சி நகரில் பல கட்டடங்கள் அழிந்திருந்தாலும் சில கட்டடங்கள் அப்படியே இருக்கின்றமை குறிப்பிடத்தக்கதாகும்.
முறிகண்டிப் பிள்ளையார் கோவிலில் நிறுத்தி கச்சான் வாங்குவோம் என்று பார்த்தால் பஸ்ஸின் சாரதி நிறுத்த மாட்டேன் நான் வவுனியாவில் தான் நிறுத்துவேன் என்று அடம்பிடித்தார்.


அவர் கூறியது போலவே யாழ்ப்பாணத்தில் ஏற்றிய எம்மை எந்த ஒரு இடத்திலுமே இறக்காமல் வவுனியா நகரில் சென்று அவிழ்த்து விட்டார்கள்.

யாழ்ப்பாணத்திலிருந்து கொழும்பு செல்வதற்கான நடைமுறை - 1

ஏ-9 பாதையினூடாக யாழ்ப்பாணத்திலிருந்து கொழும்பு நகரை வந்தடைவதென்பது மிக இலகுவானதும் செலவு குறைந்ததுமாகவே காணப்படுகின்றது. அதாவது காலை 6 மணிக்கு யாழ்.புகையிரத நிலையத்திற்கு சென்றால் (முன்பதிவு செய்து டோக்கன் எடுக்க வேண்டியது என்பது அவசியமில்லை) 5, 6 பஸ்கள் நிற்கும்.

ஏற்கனவே பஸ் நிலையத்தில் பதிவு செய்து எடுத்த டோக்கனை காட்டி பெட்டி, சட்டிகளுடன் பஸ்ஸில் ஏறினால் சிறிய மட்டைத் துண்டு அதுதான் பாஸ் ஒன்று தருவார்கள். 2 நிமிட ஓட்டத்தின் பின் இறக்கி வளவொன்றில் விட்டுட்டு சிங்கள மகா வித்தியாலயத்திற்கு வரிசையில் பரிசோதனைக்காக ஒவ்வொருத்தராக விடுவார்கள்.


ரயில் நிலையத்தில் வழங்கப்பட்ட பாஸ்ஸை ஒப்படைத்துவிட்டு உடல் பரிசோதனை நடைபெறும். அது முடிந்த பின் பெட்டி படுக்கைகளின் பரிசோதனை நடைபெறும். அது முடிந்த பின் கிளியரன்ஸ்ஸை வாங்குவார்கள். அங்கு ஒரு சிறிய பதிவு எங்கு போகின்றீர்கள், செல்வதற்கான காரணம் என வினாவுவார்கள். அதை முடித்த பின் அடையாள அட்டையின் போட்டோ பிரதியை கேட்பார்கள். அதில் சிவில் அலுவலகத்தின் சீல் அடித்து தருவார்கள்.


அதன் பின்னர் மீண்டும் அதேபோல் சிறிய பதிவு. இவ்வளவும் முடிக்கும் போது நேரமோ காலை 8.45 ஆகிவிட்டது. 10 போக்குவரத்து சபையின் பஸ்களும் இரு தனியார் சொகுசு பஸ்களும் சேவையில் ஈடுட்டிருந்தது. (இந்த எண்ணிக்கையானது பயணிகளின் எண்ணிக்கையை வைத்து வேறுபடும் என்பது குறிப்பிடத்தக்கது.)


பதிவுகளை முடித்த பின்னர் கொட்டகைக்குள் இருக்க வேண்டியது தான். ஒருபுறம் பஸ்கள் வரிசையில் நிற்கும். எல்லோரையும் பதிவு செய்து முடித்த பின்னர் பஸ்களில் ஏறச் சொல்லுவார்கள். அடிபட்டு பிடிபட்டு பஸ்களில் தொங்குவார்கள். போதியளவு பஸ்கள் இருக்கின்றது. இடம் கிடைக்கும் தானே, ஏன் அடிபட்டு ஏறவேண்டும் என்று நம்ம யாழ்ப்பாண தமிழன் யோசிப்பதில்லை! அது தான் கவலையளிக்கிறது. 9.15 மணி ஆகிவிட்டது. பஸ்களில் ஏறி அமர்ந்து கொண்டோம். கொன்டக்டர் ரிக்கட் போட்டுக் கொண்டு உடனயே வந்து விட்டார்.

08 September 2009

ஏ-9 வீதியால் செல்லும் மக்களின் தந்திரோபாயம்

ஏ-9 வீதியினூடாக பிரயாணம் செய்வதென்பது முன்னரைப் போல் போல் இலகுவானதாக அமையவில்லை என்றாலும் மிகவும் குறைந்த செலவுடன் இப்பொழுது பிரயாணத்தை மேற்கொள்ள முடியும்.

காலை 6 மணிக்கு வீட்டிலிருந்து புறபடுவோமானால் அன்றிரவே கொழும்பு நகரை சென்றடைந்து விடலாம் என்பது சந்தோஷமான விடயம் தான். ஆனால் கொழும்பிலிருந்து காலை புறப்பட்டால் அன்றிரவே யாழ்ப்பாணத்தை சென்றடைந்து விடலாம் என்று நினைத்துவிடாதீர்கள்.

அதில் ஒரு சில நடைமுறை சிக்கல்கள் உள்ளது என்பதை யாரும் மறந்துவிடக்கூடாது. கடந்த மாதம் நண்பர்களுடன் எனது ஊரிற்கு சென்றிருந்தேன். அப்போது இருந்த நடைமுறைகள் பற்றியே இந்த பதிவில் குறிப்பிடுகின்றேன்.


கொழும்பிலிருக்கும் மக்கள் வவுனியாவினூடாக யாழ்ப்பாணம் செல்ல முடியும் என்று பத்திரிகைகளில் செய்திகளை கண்குளிர காணக்கூடியதாகவே இருந்தது. எனினும் யாழ்ப்பாணம் செல்பவர்கள் திரும்பி கொழும்பு வருவதென்றால் கிளியரன்ஸ் என்ற தலைவலியை எடுத்துக் கொண்டு தான் வரவேண்டும் என்பதே நடைமுறை.

இதை கருத்திற் கொண்டு கொழும்பிலிருந்து யாழ். செல்பவர்களில் பெரும்பாலானவர்கள் திருமலை சென்று கப்பல் மூலம் யாழ்ப்பாணத்திற்கான பிரயாணத்தை மேற்கொண்டு வருகின்றனர்.

ஏன் தெரியுமா? கப்பலில் செல்பவர்களுக்கு கிளியரன்ஸ் வழங்கப்படுவதால் ஒரு வழிப் பயணத்தை கப்பல் மூலமாகவும் (கப்பலில் வந்ததற்கான ஆதாரமான கப்பல் ரிக்கட்டும் அதன் பின்னால் குத்தப்பட்டிருக்கும் கிளியரன்ஸ்ஸையும் யாழ். சிங்கள மகா வித்தியாலயத்தில் ஒப்படைத்துவிட்டு) பஸ் மூலமும் யாழ்-கொழும்பு பிரயாணங்களை செய்ய வேண்டிய நிலை ஏற்பட்டிருக்கின்றது.


06 September 2009

தத்துவம் என்றால் இதெல்லோ தத்துவம்


பெண்களை விட ஆண்கள் புண்ணியம் செய்தவர்கள். தாமதமாக திருமணம் செய்து கொண்டு, சீக்கிரமே இறந்துவிடுகிறார்கள்.